Բոլորիս Ալենը․․․

Հանդիպում, որ խոսում էր սիրո, կորստի, հավատքի ու մայրական անվերապահ նվիրումի մասին։

Մենք հյուրընկալել էինք բոլորիս Ալենի մայրիկին՝ Նազելի Տերտերյանին։ Նա խոսեց ոչ միայն գրքի էջերում ապրող Ալենի, այլև իրական կյանքի Ալենի մասին՝ տղայի, որ շարունակում է ապրել իր մոլորակում՝ մեր ամեն մի սրտի անկյունում։

Լսարանը լուռ էր՝ հուզված, բայց նաև լեցուն մի խոր, խաղաղ սիրով։

Նազելի Տերտերյանը եկել էր ոչ միայն լինելու իր մեծ որդու կողքին,

այլ բերելով իր հետ նաև Դավիթին՝

այդ լույսի շոշափելի ներկայությունը։

Դավիթը 10 տարեկան է,

բայց իր քայլով, ժպիտով ու աչքերի խորությամբ արդեն ցույց է տալիս՝

որ այդ լույսը ապրում է ոչ միայն Ալենի մեջ,

այլ շարունակվում է իրենով։

Շնորհակալ ենք տիկին Նազելիին՝ իր երկու որդիներով այս օրը ամբողջացնելու համար։

Շնորհակալություն բոլոր Ալենասերներին՝ միասին ստեղծելու այս ջերմ ու հուզիչ մթնոլորտը։

Սա մի հանդիպում էր, որտեղ բառերը երբեմն ավելորդ էին, և լռությունն ամենամեծ խոնարհումն էր…