Հունիսի 1
Խելահեղ Թեյախմություն՝ Արարատի մարզային գրադարանում («Ալիսը հրաշքների աշխարհում» հեքիաթի ոգով)
Հունիսի 1-ին ընդառաջ մեր գրադարանը հանկարծ դարձավ մի ուրիշ աշխարհ։
Այո՛, մի աշխարհ, որտեղ ճագարներն ուշանում էին, թագուհիները հրամաններ էին արձակում, իսկ թեյը… վարդի բույրով հեքիաթ էր։
Երեխաները ոչ միայն ընթերցեցին «Ալիսը հրաշքների աշխարհում» հեքիաթը, այլև գրեցին իրենց տարբերակները․«Եթե ես լինեի Ալիսի փոխարեն…»Ոմանք կփրկեին Խենթ Նարդուն, մյուսը կմնար թեյախմության սեղանի շուրջ՝ մինչև գիշեր։ Իսկ ինչպե՞ս կվարվեիր դու։
Երազանքները, որոնք նրանք գրեցին, փակվեցին թափանցիկ մի տարայի մեջ՝ պահվելով հաջորդ հանդիպման համար, երբ կբացենք և կկարդանք՝ որ մեկը դարձավ իրականություն։ Մի տարա՝ լի հավատով ու ժպիտով։
Իսկ հետո… խելահեղ թեյախմություն։Թեյ, խաղեր, ընթերցանություն, ծիծաղ և լուսանկարներ։
Ամենաակտիվ մասնակիցը նկարահանվեց հենց Ալիսի գրքային տաղավարում՝ կախարդական միջավայրում, որտեղ հեքիաթը դեռ շարունակվում է։
Իսկ դու, սիրելի՛ ընթերցող, կարո՛ղ ես միանալ մեզ հաջորդ անգամ՝ունենալու քո հեքիաթային լուսանկարները գեղեցիկ տաղավարում, ընթերցելու, երազելու ու դառնալու խենթ թեյախմության մասնակիցը։
Մենք քեզ սպասում ենք՝ թեյով ու… կախարդանքով։
