#ՀրանտՄաթևոսյան90

Արարատի մարզային գրադարանում տիրում էր այն ջերմ ու խաղաղ մթնոլորտը,

որ հիշեցնում էր Մաթևոսյանի պատմությունների գյուղը․

պարզ մարդիկ, մաքուր հայացքներ, լռություն, որը խոսում էր առանց բառերի։

Գրադարանը վերածվել էր ստեղծագործական անկյունի,

որտեղ գրադարանավարներն ու ընթերցողները

միասին նկարում էին, կիսվում զգացողություններով,

վերապրում Մաթևոսյանի ստեղծած աշխարհը՝

պարզ, հոգատար, հողի հոտով ու արևի լույսով լցված։

«Արվեստի էջեր» նկարչական խմբակի ղեկավար Աննա Գինոսյանի նախաձեռնած արտթերապիայի խորագիրը խորհրդանշական էր՝

«Մաթևոսյանի գյուղաշխարհը»։

Նկարչությունը, ընթերցանությունը,

Մանսուրյանի «Աշնան արևը» ֆիլմի մեղեդին և

խոտաբույսերով թեյի բույրը

համակցվել էին մի խաղաղ ամբողջության մեջ՝

հիշեցնելով, որ գյուղը պարզապես տեղ չէ․

այն մտածողություն է, ապրելու ձև, հոգու լեզու։