Արտաշատ քաղաքի 2214 ամյակ
Արտաշատ՝ իմ պապերի՜, իմ ծոռների՜ հայրենիք, սիրում եմ քեզ… 
Արտաշատում հեքիաթը սկսվում է դպրոցից… 
Արտաշատի համայնքապետարանի նախաձեռնությամբ մեկնարկել է գեղեցիկ և արժեքային համագործակցություն՝
հեքիաթագիր Արփի Մաղաքյանի,
Արարատի մարզային գրադարանի և
Արտաշատի համայնքի հանրակրթական դպրոցների միջև։
Նպատակն է՝ հեքիաթի միջոցով զարգացնել աշակերտների հետաքրքրությունը իրենց քաղաքի պատմության, մշակույթի և ազգային արժեքների հանդեպ։
Արփի Մաղաքյանը՝ «Տիգրան Մեծ» և «Արտավազդ արքա» ստեղծագործությունների հեղինակը, հոկտեմբերի 18-ին Արտաշատի տոնական միջոցառումների շրջանակում կհանդիպի երեխաների հետ՝ ինտերակտիվ ձևաչափով։ Նախապատրաստական փուլում դպրոցներում կազմակերպվեցին ընթերցանության ժամեր և փոքրիկ բեմականացումներ՝ ուղղված հեքիաթների ու պատմական թեմաների ճանաչմանը։
Այս ընթացքում ստեղծվեցին հետաքրքիր և յուրօրինակ ներկայացումներ, որոնք մեկտեղվեցին ընդհանուր ձևաչափով՝ հնարավորություն տալով յուրաքանչյուր խմբին ներկայացնելու իր աշխատանքը և դիտելու մյուսների ելույթները։
Այդ ձևով երեխաները սովորեցին համագործակցել, լսել միմյանց, գնահատել ընկերների աշխատանքը և միասին վայելել ստեղծագործական գործընթացը։
Այս նախաձեռնությունը դարձավ կենդանի դաս՝
հայրենասիրության,
թիմային աշխատանքի և
ինքնարտահայտման մասին։
