Մեդիագրագիտության շաբաթ

Մեդիագրագիտության շաբաթվա շրջանակներում այսօր Արարատի մարզային գրադարանում տեղի ունեցավ մեդիասեմինար-հանդիպում։

Այս տարի Մեդիագրագիտության շաբաթը անցկացվում է «Մեդիագրագիտությունը և պատասխանատու թվային քաղաքացիությունը» խորագրի ներքո։

Սեմինարը վարեց Media.am հարթակի փաստեր ստուգող լրագրող Օֆելյա Սիմոնյանը։

Հանդիպման ընթացքում ներկայացվեցին թվային միջավայրում տեղեկատվության ստուգման գործիքներ, կեղծ և մանիպուլյատիվ տեղեկատվության ճանաչման մեթոդներ, ինչպես նաև քննարկվեց պատասխանատու օգտատիրոջ դերակատարումը առցանց միջավայրում։

Մասնակցում էին Արտաշատ համայնքի գրադարանային համակարգի գրադարանավարները։

Հանդիպումը անցավ արդյունավետ և գործնական՝ նպաստելով գրադարանավարների մեդիագրագիտության հմտությունների խորացմանը։